Wie van julle kan ooit die kordondraad onthou wat so van noord na suid deur ons land geloop het om die bek-en klouseer onder beheer te kry? By die groter paaie was daar hekke wat deur mense beman was waardeur resigers kon kom, mits hulle nie die verkeerde soort produkte deur daai grens probeer vat het nie. Baie boere het ekstra geld gaan verdien deur te gaan diens doen by die kordonhekke.
Hierrie hekwagte het neffens die hekke in sulke wit kloktente van die SWA Administrasie gebly en daar het hulle maar gedoen soos wat hulle wou en soos wat so 'n spul mans mos maar bymekaar in die veld maak, het drinkwater 'n veel groter prioriteit gehad as waswater. Wie wil dan ook daar op die vlaktes oopketel staan en jou uithangstukke staan en was vir almal om te sien in elk geval? Dan klap hulle maar net die nodigste [mees jeukende?] sommer so met 'n nat waslap en niemand ken die verskil nie, want almal maak mos maar só en ruik later dieselle.
Maar nou kom daar mos afnaweke vir die manne en oom Chris het al lank ekstra skofte gewerk vir daai nuwe kragkop wat hy nog moes koop, maar toe wéét hy hy sal móét huistoe en by die vrou kom voor hy ontplof. Toe hy egter daai Vrydagaand by die plaashuis inrol, het sy vrou net haar arm so in die rigting van die badkamer gegooi en hy het toe geweet hy sal eers moet gaan was voor hy enigiets gaan regkry.
So het hy alles mooi skoongewas en afgedroog en met die wat sy gedagtes al lankal in die slaapkamer was, is daar deel van hom wat nie meer so passief is as wat dit was toe hy by die badkamer ingekom het nie en toe hy omdraai, toe swaai dié met so 'n boog en raak met 'n 'ssssttttt' aan die paraffienlamp se warm glas en daar val al sy idees letterlik plat! Só flêt dat sy vrou eers behoorlik moes 'kiss it better' voor dinge na normaal teruggekeer het...................
Antwoord met aanhaling
Originally Posted by Eben Goosen
