Die kragtigste, weelderigste Kewer van alle tye

[Pine]

Wat van so 'n bietjie nostalgie vir 'n verandering (en sommer ook om Ali se bloeddruk bietjie op te jaag )

Hierdie Afrikaanse Kewer brosjure dateer uit 1969 - die Duitse model in die fotos is egter nie heeltemal dieselfde as die 1500 wat ons in Suid-Afrika gekry het nie...

[Pine]

Hierdie oorspronklike 1970 model het ek onlangs in Pretoria afgeneem

[Peter Connan]

Ek het vir 'n paar jaar 'n 1969 Lotus Europa gery. Sy 1600cc enjin het 105rpk gelewer. Hy het elektrise vensters, drie-punt veiligheidsgordels en elektrise vensters gehad. Hy het skyfremme voor gehad met kraghulp en volledige instrumentasie met 'n "veneer" instrumentpaneel.

En omdat hy net 700kg geweeg het, kon hy toe ek hom in 2007 verkoop het, nog steeds amper eniets op die pad kafdraf, veral as daar 'n paar draaie was.


Dit was een van die laagste karre op die pad, die dak was 41.5" van die grond af. Om dit in perspektief te stel, sy dak het net bokant my lyfband gesit, en ek is net 5'9".

Myne was egter rooi.

Die 1973 model het 126rpk gehad en kon die 0-100km/h afle in so 6 sekondes.

[Oompie Mac]

Dit was een van die laagste karre op die pad, die dak was 41.5" van die grond af. Om dit in perspektief te stel, sy dak het net bokant my lyfband gesit, en ek is net 5'9". sê Peter -- en onthou, hy dra NIE sy broeke op sy stuitjie nie [Sjym jy't hom verkoop P/ter ..]

[Vlakvark]

Pine, ek geniet jou Volksie drade .. (Is ook diékant bietjie met Volksie geslaan) en die heimwee sit vlak. (Hulle maak nie meer deesdae karre soos die 'Beetle' nie, daai goete het darem stories gehad .. ) Het selwers `n 'paar' Volksies gehad.


Peter, daai kar Lotus was nou`n propperse platkar gewees .... die ding het soos `n PYL gelyk man ... (Ek hou van pyl karre ...)


(Net sommer vir die pret ... ) Die naaste wat ek aan `n pyl kon kom is my huidige Passat (236 000 km tans) ... Het jare lank die Blinde Navigators Rally goete gery, en die laaste jaar voor ek by die organisasie daarvan betrokke geraak het, my kar met plakkers beplak om my opposisie bietjie te 'irriteer' ... (Ons, ek en my Nav het die vorige 2 jaar in `n ry gewen, maar ons kon nie die "hattrick" regkry nie ... )

[Peter Connan]

Dit was een van die laagste karre op die pad, die dak was 41.5" van die grond af. Om dit in perspektief te stel, sy dak het net bokant my lyfband gesit, en ek is net 5'9". sê Peter -- en onthou, hy dra NIE sy broeke op sy stuitjie nie [Sjym jy't hom verkoop P/ter ..]

Oom Mac, ons het almal seker 'n kar in ons geskiedenis wat ons "nooit moes verkoop het nie". Daardie een is myne, maar op die stadium wat ek hom verkoop het, het die kar 'n waenhuis nodig gehad om in te bly (veselglas hou nie van in die son staan nie), en ek kon doodeenvoudig nie een bekostig nie.

[Peter Connan]

Pine, ek geniet jou Volksie drade .. (Is ook diékant bietjie met Volksie geslaan) en die heimwee sit vlak. (Hulle maak nie meer deesdae karre soos die 'Beetle' nie, daai goete het darem stories gehad .. ) Het selwers `n 'paar' Volksies gehad.


Peter, daai kar Lotus was nou`n propperse platkar gewees .... die ding het soos `n PYL gelyk man ... (Ek hou van pyl karre ...)


(Net sommer vir die pret ... ) Die naaste wat ek aan `n pyl kon kom is my huidige Passat (236 000 km tans) ... Het jare lank die Blinde Navigators Rally goete gery, en die laaste jaar voor ek by die organisasie daarvan betrokke geraak het, my kar met plakkers beplak om my opposisie bietjie te 'irriteer' ... (Ons, ek en my Nav het die vorige 2 jaar in `n ry gewen, maar ons kon nie die "hattrick" regkry nie ... )

Dankie Kiewiet. Wat die verbasendse van daardie kar was, was hoe gemaklik hy was. Ek het tot twee keer bosveld toe en paar keer bloemfontein toe gery. Sy vering was sag en die sitplekke ongelooflik gemaklik.

Dis nogal 'n prestasie om daai tydren twee keer te wen, dis glad nie so maklik soos party mense dink nie!

[Martin Bezuidenhout]

Peter,jy het darem nog jou Sewe.

[Peter Connan]

Martin, jy is reg en ek is baie gelukkig.

Glo my egter vry, behalwe op 'n resiesbaan en in die werkswinkel is 'n sewe 'n baie ver tweede plek teen 'n Europa. Daar is ongelukkig net omtrent 20 Europas in die land, en sover ek weet is minder as helfte van hulle nog padwaardig, so my kanse om weer een te kry is dus klein.