Hoe staan sake vir 2012 in die khaudum

[jacques odendal]

Ons is daar van 25 tot 27 junie en het plek bespreek deur namibia country lodges groep. Tsumkwe country lodge bestuur blykbaar nou die kampering by sekereti & khaudum kampe. As daar iemand is wat ondervinding het van die nuwe bedeling, laat weet asb. Verder sal dit ook gaaf wees om te weet of die reën van die afgelope seisoen genoegsaam was om die skade, wat deur verlede jaar se veldbrande veroorsaak was, te herstel.

[LangKamp]

Hi Jacques,

Smaak my niemand opdie forum ken die plek nie!! Grroootttt jamerte ek hoor ook maar net dis lieflik daar!!

[jacques odendal]

Dit lyk my so cliffie. Ons het in 2008 1 aand daar oornag. Dit was so lekker dat ek myself belowe het om weer te gaan, maar hierdie keer beplan ons om 3 nagte te bly. Die diere is skaars so baie mense hou dit seker teen die park. Vir my is die bekoring egter daai afgeleë-willeplek-gevoel wat van khaudum n boservaring sonder gelyke (binne trefafstand) maak. Weet nie hoe lank ons nog die voorreg gaan geniet voordat 's dit hier ook gaan bederf nie.

[jacques odendal]

Net so bietjie die draad op datum bring.
In die weg namibië 2012 gids skryf barnie louw, weg se redakteur, dat die geriewe in albei kampe, sekereti & khaudum, nou opgeknap is. Verder het elke kamp nou 9 staanplekke & 3 ablusieblokke met spoel toilette, warm storte & opwasgeriewe. Ook dat daar nou opknappings gemaak word aan 8 selfsorg tente met eie badkamers, n restourant & kroeg in elke kamp. Gaan lees self op bl 46 as julle my nie glo nie.
Ons was lus vir die "prawn special" & het n tafel by die venster bespreek wat uitkyk op die omuramba!!!!!!!!
(dink julle die ou het iets in gehad toe hy die verslag geskryf het?)

Gaan kyk self, maar vat alles wat jy nodig gaan hê saam & gebruik n ordentlike 4x4 met groot wiele & laesterk.
Ons het die park van uit die suide benader met n heel billike pad vanaf tsumkwe. Hoe nader aan die park, hoe sanderiger word die pad totdat jy uiteindelik in n 2 spoor sandpad eindig by ontvangs.
So lyk die toegang by sekereti hek in die suide. Geen hek of heinings, net die kennisgewing borde wat jou wys dat jy nou in die reservaat is.

By sekereti kamp se ontvangs lyk dit nog net die dieselfde as in 2008 & wat die ablusie betref, besluit maar self. Ons verkies eerder ons eie veltie geriewe.
Die personeel is vriendelik & laat jou baie welkom voel.

Wil jy regtig hier abluseer?


Ons het nie hier oornag nie & is verder noord met die oostelike roete waar die meeste watergate geleë is. Die skuilings het beter dae gehad, maar kan darem nog hul funksie verrig.
Soncana watergat se skuiling net buite sikereti is n goeie voorbeeld.

Oppad na tari kora watergat het die veld nog pas gebrand. Blykbaar doen die personeel dit as voorsorg.
By tari kora het ons gemsbokke & olifante gekry.




Verder noord na leeupan watergat & hier het die meeste olifante & bastergemsbokke saamgetrek (en gebollie).












Weens n tegniese probleem het dit te laat geword & moes ons naby leeupan oornag. Omring deur ollies & n vliegtuig hoog in die lug in die aandskemer, net om ons daaraan te herriner dat nie almal die voorreg vanaand het nie.


Die volgende dag is ons met die roete oor doringstraat watergat na die khaudum omarumba.
Hier was minder diere sigbaar, maar dit is ook meer ruig met baie lang gras. Die rit in n westelike rigting na khaudum kamp was asemrowend al op die rand van die omarumba. Jy kan ver oor die gras ooptes sien.




By khaudum kamp kon ons nou wel nie n tafel bespreek by die restourant se venster wat uitkyk oor die omarumba nie, maar staanplek #1 het n fantastiese uitsig. Ook is dit naby die bosserige ablusie, vat net jou eie raam saam, waar daar ten minste koue lopende water beskikbaar was. Ons is vriendelik deur moremi ontvang & kon enige staanplek kies. Sy geliefkoosde sêding is natuurlik, "julle het die leeus net gemis, hulle was gister hier". Ons was gewaarsku, niks & niemand het ons egter die aand gepla nie.





Die pad uit noorde toe is seker van die ergste los sand & hobbels wat jy kan kry. Tog is dit die moeitewerd. Wees net voorbereid & doen dit met n betroubare voertuig teen stadige spoed.


Die primitiewe geriewe verleen daardie ekstra gevoel van verlatenheid & dit sal nogal jammer wees as die park sy karakter gaan verloor indien wat barnie geskryf het, wel waar word eendag.

Tot weer siens!

[ooooms]

Dankie vir die update en foto's laai! Ons was nog net twee keer daar gewees, LIEFLIKE PLEK!!! Net jammer als is so 'delapedated'. Maar ons aanvaar dit so, bly nog steeds een van ons gunsteling plekke

[JacquesB]

Baie dankie vir die deel, weereens Jacques! Dit is regtig pragtig!

Hierdie foto van die olifant staan my veral aan! Ek dink dit is 'n pragtige foto:

[andrevt]

[andrevt]

[andrevt]

[ooooms]

Lekker, ook mooi pics Andre !

[andrevt]

[andrevt]

[andrevt]