Herwinningspunte

[ThysdJ]

Soos Gerrie se, daar is 'n hele wetenskap agter herwinningspunte. Maar daar is recoveries en daar is snatch (kinetiese) recoveries.

In sand moet jy baie verkeerd ry om vas te sit as jou bande genoeg afgeblaas is. Kinetiese recoveries moet jy alleenlik doen as alles anders nie gewerk het nie.. Dis nie die eerste stap nie. Laaaank voor jy by kinetiese herwinning uitgekom het het jy jouself uitgegrawe met 'n graaf, die bande bietjie papper afgeblaas het jy jou voetspoor vergroot sodat jy weer aan die gang kan kom. Die probleem kom in wanneer mens die horlisie dophou en wil jaag met herwinning. Dis gewoonlik wanneer mens begin kortpad vat, en voor jy weet is iemand in die hospitaal. Volg die rigting van minimum geweld, grawe weg voor die wiele, blaas bietjie meer af en wikkel vorentoe en agtertoe... As jy aan die gang kom, hou jou momentum...

Terug by herwinningspunte, dis goeie (veilige) praktyk om die regte, weight rated, herwinningspunte direk op die onderstel te he. Onthou, buffers en sleephake is nie doelgeboude herwinningstoerusting nie, en is dus nie ge-"rate" nie. Niks mee verkeerd om 'n voertuig aan 'n sleephaak met 'n pen rond te sleep nie, maar snatch is 'n ander storie. Wees maar versigtig.

Die enigste manier om te weet hoe jou voertuig in sand gaan gedra is om te loop ry. Speel in beheerde omstandighede met verskillende banddrukke totdat jy agterkom waar die "sweet-spot" le. MAW leer jou voertuig ken. Dan gaan jy al lank voor jy begin vassit al weet wat kom en jy gaan die nodige stappe kan neem om vassit te verhoed. Geniet jou voertuig, leer hom ken en bou 'n lekker verhouding op, dan gaan julle mekaar sommer nog lekker vermaak...

[Gerrie van Eeden]

Herman (Engel hier op die forum) doen ook 'n goeie herwinnings-kursus, en verkoop baie goeie toerusting.

Persoonlik is ek baie lief vir 'n hoogligdomkrag, en het nog net een keer so vasgesit dat ek meer as net hom nodig gehad het. Met hom kan 'n mens die kar optel, en hom dan langs die gate neersit.

Weereens, opleiding of ondervinding is belangrik, hy kan ook redelik gevaarlik wees as jy hom verkeerd hanteer.

Maar ek voel in sand is 'n domkrag en sandlere dalk 'n beter roep as 'n snatchrope?

Beste in sand bly seker ook maar 'n graaf en 'n bietjie sweet...

[JG Shields]

Ek stem saam met die OORBEKLEMTONING van kinetiese toue. Dis regtig net vir 'n laaste uitweg. Ons het nog nooit nie-reggekom (Is daar so afrikaanse woord?) met 'n graaf, 'n kapmes vir die takke en 'n gewone goeie sleeptou nie. 'n Ligte slepie met 'n tou is so goed soos 'n klien stootjie aan 'n ou battery pap Fordjie....net 'n klein stootjie dan vat hy.

Soos baie ander dinge in die lewe is herwinning eintlik baie eenvoudiger (steeds harde werk) as wat meeste mense dit wil maak.

[Paula]

Ek sal onthou om almal wat ek op roetes en bane sien baie vriendelik te groet net vir ingeval dit een van julle is. Baie dankie vir al die inligting. Dit gaan nog 'n ruk neem om te verwerk. Maar nog het ek nie genoeg gehad nie.

Ek het op een van die ander drade iets gelees oor oor "limited slip diff" en sand ry. (Gesoek maar kry dit nie weer nie). Is dit 'n voordeel? Ek hoor hoe dit werk as ek om 'n draai gaan maar omdat dit nie kan afsit nie weet ek nie regtig of dit effektief is nie?

[Oompie Mac]

jou kar het DIFF LOCK - dan het hy nie "LSD" [limited slip diff" ook, nie -- dis of die een of die ander [en die arme mense met Suzuki Jimny ry met "open diff" ... hulle het niks nie

LSD is juis bedoel om te laat los om 'n draai dat die ewenaar nie "opwen" nie... [GOOGLE en Wikipedia het mooi explein op daai]

[Peter Connan]

Oompie, daai ouer Jeeps het ook oop difs. Dis sover ek weet net die betreklik-nuwe Rubicon-modelle wat difflocks het. Self die nuwe Sahara modelle het net vastrapbeheer.

Paula, LSD (Limited slip diff, nie klein pilletjies nie) werk baie goed in sand, maar met 'n klein ligte karretjie op groot wiele soos daai glo ek nie het jy dit nodig nie. As jy jou bande bietjie afgeblaas het, en gesonde verstand gebruik, sal jy nie sukkel nie.

Al wat jy moet onthou op sand, is om dinge so egalig mootlik te hou. Trek versigtig weg, moenie briek nie (die kar sal self stop), moenie skerp draai nie. Jy kan ook na jy gestop het, net so 'n meter agteruittrek voor jy weer wegtrek, dit help baie.

En as niks anders werk nie, sit hom in 4x4

[Paula]

Lekker lag ek nou. Sal bietjie ophou stres en onthou van die ander stokkie. Die entjie agteruitry maak ook baie sin.

A limited slip differential (LSD) is a type of automotive differential gear arrangement that allows for some difference in angular velocity of the output shafts, but imposes a mechanical bound on the disparity. In anautomobile, such limited slip differentials are sometimes used in place of a standard differential, where they convey certain dynamic advantages, at the expense of greater complexity. (Wikipedia)

Oom Mac, ek het meer van jou prentjies gehou. Dis een van daardie dinge waar ek maar net gaan se "dankie tog dit werk".

[Oompie Mac]

prenkjies?? my kjent --- oompie het sommer vir jou kompleet moevies gaan maak:



-- hirri is "lekker kyk" vir ouer mense [pas maar aan]
[geniet die moovie ssss)

[Viertrek]

Tyd dat hierdie draad weer bietjie opgetel word. Het die naweek bietjie gevroetel aan die Hilux en met agterste herwinnings punte begin. Ja, ek weet hulle is nie "gegradeer" nie en boonop aan die trekstang vasgebout, maar dit is die beste onder omstandighede. Die trekstang is fabriek gemonteer en lyk vir my nogal aan die sterk kant. Een ou op die Hilux 4x4 Forum het soortgelyke herwinningspunte en hy het 'n ongewenste boom in sy erf daarmee ontwortel en gevind dat die punte voldoende is vir algemene herwinning. Elke punt kort nog elk 'n 14 mm bout. Ek werk ook reeds aan die voorste herwinningspunte. Hiers 'n paar pics.

[Peter Connan]

Lourens, hoe dik is daai plate van jou? Hulle lyk redelik ordentlik (moet egter ten minste 12mm dik wees), en omdat hulle naby aan die monteerpunte van die trekstang is, lyk dit heel goed. Maak net seker die trekstang se boude is van dieselfde of groter grote as dit waarmee jy die plate vasbout, en ook dat al die boute (beide op die plate en op die trekstang) high-tensile is, verkieslik graad 8.8. Vir 'n kar van die Hilux se gewig, het jy ten minste vier M10 boute of drie M12 boute per herwinningspunt nodig.

[Gryskoos]

Ek is maar mooi bang vir snatch recoveries.

So my beskeie opinie is maar net om dit te los vir heel laaste. Baie keer het die ou wat hygend in 'n stofwolk stilhou om jou uit te wil statch reeds die beste en duurste ingevoerde aftermarker punte op. So daars 'n baie goeie kans dat hy jou gewone hegpunte deur sy allie gaan trek.

Snatch is 'n oulike truuk as als doodjollie en binne perke gebruik word. Maar 'n doodgewone graaf en hi-lift jack kan wondere verrig. Ek gebruik laasgenoemde 2.

[Dries de Kock]

Lourens,
Hulle lyk heel skaflik vir my, die boute wat jy gaan gebruik sal seker ook sterk moet wees. Se my, hoekom weld jy nie die herwinnigs plate vas nie?..

Ek bekyk die gewone heg punte van die karre en sien dis geweld. Ek verstaan die gewone punte is nie bedoel vir daai geweldige geruk/trek van n' herwinning nie maar om n' bietjie welding by te sit sal dit verseker versterk.

Ek het nog net een keer so n' herwinning gesien, by Atlantis, en moet se dit was rof. Ek is nou nie seker of dit is hoe dit gedoen moet word nie maar, van n' ou wat niks weet van sulke goed nie lyk dit maar scery.

Jou hegpunte lyk sommer grand

[Peter Connan]

Ek het onlangs 'n herwinnings-demonstrasie wat aangebied is deur die Nissan-4x4 klub meegemaak, waar hulle geweis het wat gebeur as die snatchtou breek.

Kyk hoe sny die bonnet se boonste rand in die boom in:

[Viertrek]

Pieter, baie dankie vir die raad. Ja, dit is 12 mm dikte plaat. Die trekstang se plaat is 10 mm en hy is met 6 (ses) 8.8 gegalvaniseerde boute (lyk my na 2 x 12 mm en 4 x 10 mm) vasgebout (is nie 100 % seker nie). Die agterste twee boute van die trekstang het "crush-tubes" deur asook versterkings aan die buitekant weerkante van die onderstel. Die twee herwinningspunt plate is huidiglik met 14 mm 8.8 graad boute (swart) vasgebout. Ek lees iewers op die internet (Hilux 4x4 forum ?) dat die swart boute sterker is as die gegalvaniseerde boute omdat die galvaniseering blykbaar die boute tot 'n mate bros maak. Ek sal op jou aanbeveling die boute vervang. Dit is 'n klein prys om te betaal wir groter gemoedsrus. Moet egter ook sê dat ek my bakkie vir toer wil gebruik en nie regtig naweke hindernisse wil gaan ry nie. Maar ek werk ook met hom, baiemaal in die veld en in die nag (erdvark gate) so wil darrem redelike herwinningspunte hê, as dit die dag nodig is. Ek is ook baie bang vir kinetiese herwinning en gebruik hudiglik net die swaardiens "winch extention strap".

[Viertrek]

Dankie Dries. Ek het daaraan gedink om dit te doen en oorweeg dit steeds. My een kollega het die Hilux 3 D4D en baie ekstra's laat aanbring deur 'n baie bekende 4x4 winkel (sal maar die naam hier swyg) en hy wys my net eergister sy herwinnings punt wat hulle op sy bakkie aangebring het. Ek kon my oë nie glo nie. Hulle het net een 6 (ses) millimeter plaatjie (seker so 100 mm x 50 mm) regs agter aan die trekstang vasgesweis, as herwinningspunt. Hy het presies dieselfde fabriek gemonteerde trekstang as my bakkie. Die welding is egter baie goed gedoen moet ek darrem sê. Voor het die man niks en sê hy gaan net die touhake gebruik om te herwin. Nou hierdie kollega is 'n ou hand met 4x4 en hy is tevrede met sulke herwinningspunte ? Ek (die groentjie) het maar net so terloops opgemerk dat ek nie sulke swak herwinningspunte kan goedkeur nie. Sien gister ook sou wrintiewaar op Ficksburg, 'n Landcruiser 87 reeks stasiewa wat kwaai toegerus is vir veldry met nogal "Mud terrain" tekkies en al, met ook net een soortegelyke "herwinnings punt" van 6 mm links agter, Daar hang noggal ewe 'n ongegradeerde (wat lyk na 2 ton) boogskakel aan die punt. Shoe, ek weet nie so mooi nie.

[Viertrek]

Kobus, net ter ondersteuning. Ek kan nie die belangrikheid van 'n graaf vir herwinning , oorbeklemtoon nie. Spitgraaf is my keuse. Ek gebruik nou al ongeveer 12 jaar 'n derdehandse 1988 Isuzu 250 D SWB 4x2 as jagbakkie op jakkalse. Het wel vir hom 15 duim wielle opgesit. Nou hy werk hoofsaaklik in die veld en in die nag, en glo my, ek het al my deel van vassit en herwinning weg. Op die tralies is 'n spitgraaf vasgebout (sodat hy nie by die huis vergeet kan word nie). As die ouens die graaf opmerk, sê ek vir hulle dat dit my bakkie se 4x4 is. Met die graaf en die bakkie se standaard meganiese bottel domkrag (ek bly vêr weg van hidroliese domkragte af), het ek nog die meeste kere self uitgekom en gewoonlik was ek aleen in die nagdonker. Ek praat hoofsaaklik erdvarkgate en slote. Modder is 'n Bl&%#$*m en ek is baie alergies vir hom. Ek bly maar uit die veld as dit te nat is, of dan andersins net op die harde paaie.

[Peter Connan]

Lourens, inderdaad, gebruik swart boude en verf hulle. Ek sou kyk of ek daardie trekstang bietjie beter kon vasbout as ek jy is. As hy een kant los kom en aan die ander kant vas bly, kan hy nogal jou bakkie karnuffel!

Die tou moet beslis die swakste skakel in die herwinning wees. Dis ook 'n baie goeie idee om 'n "safety lanyard" te gebruik as jy dan nou die dag moet snatch.

[Viertrek]

Peter. Ek is so bly om bogenoemde woorde " Die tou moet beslis die swakste skakel in die herwinning wees" op hierdie forum te hoor. Almal sê altyd jy moet jou herwinnings toerusting ken en weet waar die swakste punt is. Maar niemand sê ooit watter deel doelbewus gekies moet word om die swakste punt te wees nie. Dit is voor die hand liggend dat dit die sagter materiaal (bande, en stroppe) moet wees. Maar weet jy hoe het ek al gekyk vir bevestiging daarvan, en hier bevestig 'n man met ondervinding dit. Baie dankie daarvoor, nou sal die minder ingeligtes ook nou meer duidelikheid hê. Kyk, soos ek verstaan is 'n kinetiese tou of "strap" geweldig sterk en breek nie sommaar nie. Dit lyk my die swakste deel moet eintlik onder die ideale omstandighede die toom " bridle" wees, en waar jy dan 'n "savety lanyard" aan die kinetiese tou/strap het om die kragte te verminder indien die toom dan sou breek. Maak securetech tome met verskillende breek graderings? Die enigste toom wat ek nog gesien het is securetech se toom wat op 4 ton (maksimum bruto voertuig massa) gegradeer is, soos meeste van die ander herwinnings "straps". Dus, gegewe die herwinningspunte is bv. 9 ton (4.75 T boogskakel x 2) sterk en die kinetiese tou is 12 ton, dan is die 4 ton toom mos reg as die swakste skakel. Verduidelik gerus of bogenoemde sin maak asb.

[Viertrek]

Oukei, ek moet myself seker hier korregeer. Die maksimum bruto voertuig massa op die toerusting is normaalweg gegradeer as 3.5 / 4 ton, maar die "maximum braking strain" is gewoonlik 16 ton. Dus gaan die straps eers hier na 16 ton (ongeveer) toe begin breek en die kinetiese tou afhangende van sy gradering (12 -16 -18 ton). Help my reg as ek verkeerd is. Dus bly die swakste deel in die lyn, gewoonlik die herwinningspunte. As (en dit is 'n groot AS) my herwinningspunte bv. 9 ton (2x 4.75 ton boogskakels) kan hanteer, moet die toom se "maximum braking strain" mos net minder as dit wees, om so veilig as moontlik te kan speel. Dalk 8 ton en nie 16 ton nie. Die gradering van die herwinningspunt (nie die herwinnings haak of boogskakel nie) bly maar die dobbelsteen. 'n "Savety lanyard" is in elk geval on-onderhandelbaar.

[Peter Connan]

Lourens, verskillende tipes toue en stroppe het verskillende veiligheids faktore.

Ek dink egter nie dit maak saak watter een van die toue/stroppe eerste breek nie. Die Lanyards op die mark is te kort om verby 'n toom te gebruik, en dus moet daar een aan elke punt van die toom wees.Jy moet dus twee lanyards saam met 'n toom gebruik, wat dan uiteindelik beteken dat jy 4 recovery punte nodig het. Ek ken min ouens wat so baie punte het.

My gevoel is dat al die toue/strotte, gekies moet word om 'n werkslading van ongeveer 1.5-2 x die voertuig se brutto-massa te he. Al die metaal dele wat gebruik word, moet ten minste 1.5x die breeksterkte van die swakste tou/strot he (uitsluitende die lanyard), maar verkieslik 1.5-2x die sterkte van die sterkste tou.

As jy egter altyd van 'n toom gebruik maak, kan jy metaal dele gebruik gelykstaande aan die breekkrag van die toue, maar soos bo gemeld het jy dan vier recovery punte nodig.

verder verkies ek om recovery punte te gebruik waaraan mens die tou direk kan haak, en dus glad nie shackles te gebruik nie. Mens moet ook nooit 'n shackle gebruik om twee toue te las nie.

Van lanyards gepraat: dit is krities dat 'n snatch-recovery nie oordoen word nie. As hy oordoen word, en die recovery punt breek, gaan die lanyard te kort wees om jou te red.

Die reel is as volg: Eerstens moet jy weet hoe lank jou tou is. Kom ons se vir argumentsonthalwe jou tou is 10m lank, en daar word nie van tome gebruik gemaak nie. Jou snatch-tou het 'n rekbaarheid van 20%. Dus gaan hy 'n maksimum van 12m lank word gedurende die redding.

Meet dus 15m (tou se lengte x 1.2 + die lengte van jou kar vanaf die recovery haak tot by die kajuitvenster) van die buffer van die kar wat vassit af, in die rigting waarin hy gesleep gan word, en plaas 'n merker daar neer (jou hoed byvoorbeeld). Wanneer jy trek, trek jy net tot langs jou hoed, en dan stop jy. As die kar steeds vassit, beteken dit jy moet meer grou, nie harder pluk nie. En daardie snatch rope kan jy ook nie weer vandag gebruik nie, hy moet nou vir 24 huur le.

[Viertrek]

Haai ou Peter man. Baie dankie vir die verduideliking. Sjo-sjo-sjo, kinetiese herwinning is ingewikkelde sake. Dan kry jy jou wrintiewaar nog mense soos 'n ander vroue kollega wat met hul herwinning toerusting en kinetiese strap spog. Ek vra haar hoe hulle herwinnings punte lyk want hulle het ook 'n Hilux. Dit lyk of jy haar met 'n plank slaan. Nee ons het nog nie sulke goed nie, is die antwoord, maar sy weet darrem waarvan ek praat. Hulle is ook al ou veldryers, maar heeltemal traak my nie agtig oor herwinningspunte. Hulle het mos 'n snatch strap. Aai, die ou mensdom darrem. Weet die vervaardegers hul savety lanyards is te kort. In WegRy gelees dat jy 'n skitou ook kan gebruik as lanyard.

[Dries de Kock]

Dankie Pieter, baie leersaam. Wys jou net, ons het so baie om te leer...

[Peter Connan]

Lourens, die lanyards is nie te kort nie, hulle is net te kort as mens hulle verkeerd toepas.

Die lengte is getoets en gevind om die mees effektief te wees, mits die reels gevolg word.

Ons in die Nissan 4x4 klub is besig om 'n stel reels op te trek MBT recovery punte, en ons gaan half aandring dat as jy 'n roete saam met ons ry, jy ordentlikke punte moet he...

[Pieter Ehlers]

Lourens, ek is nou glad nie 'n kenner van herwinnings punte nie, maar die aan jou bakkie lyk sterk genoeg. Net 'n vraag, is die punte nie te diep onder die bakkie nie? Gaan 'n kabel / band nie dalk die buffer beskadig as die helling te veel is nie? Dit voel net vir my dit sal beter wees as dit so naby as moontlik aan die agterkant van die voertuig sit. Is ek reg of maak dit nie saak nie?

[Viertrek]

Pieter, ek het nogal daarvoor opgelet en ja, dit sou seker beter gewees het as ek dit meer na die buffer se kant toe kon monteer. Die trekstang het op daardie spesifieke punt reeds twee gate gehad, wat ek toe maklik kon gebruik. Ek moes maar die beste (maklikste?) opsie oorweeg. Daar is redelik spasie sodat die hoek regtig sleg sal moet wees voordat die stroppe aan die buffer sal raak. Dit lyk erger op die foto, as wat dit is. Juis daardie posisie is die laagste op die trekstang, wat dit idiaal maak vir die posisie van die herwinnings punt in hierdie spesifieke geval.