Herwinningspunte

[Paula]

Ons gaan einde April Bhanganek toe. Ons eerste ervaring van sandry. Die optimis in my wil glo dat ons nie gaan vassit nie maar die realis gaan verwinningspunte opsit. Die Jeep het een voor maar niks agter nie. Voor ek my oorgee aan die genade van 'n verkoopsman wil ek graag bietjie meer weet.
Soos:

• Waar kan ek dit laat doen?
• Waaraan sit hulle dit vas?
• Kan dit nodig wees om iets te verander of te versterk?
• Is daar soorte wat beter werk as ander?
• Die sleephaak met die los pen deur, Kan dit gebruik word vir herwinning?

Ek het al die sleephaakgruwelstories gelees. Jammer as my vrae bietjie dom is. Hoop julle het genoeg geduld.

[Gerrie van Eeden]

Die veiligste opsie is om sogenaamde rated recovery points (Wat sulke hake is) direk aan die onderstel te laat vasbout. Daar is 'n hele wetenskap rondom die ratings op dié hake (4500 kg breekkrag) maar ek gaan nie nou in detail daarop ingaan nie. TJM en ARB maak sulke hake. As jy hulle op die regte plekke laat vasbout met die regte boute en jy gebruik die regte herwinningstoerusting, is die kanse dat jou herwinning onveilig kan wees, bitter skraal. Osn gaan binnekort 'n artikel in die tydskrif he wat die hele wetenskap verduidelik, maar jy sal reg wees as jy net die regte punte direk aan die onderstel laat vasbout. Daar behoort oorgenoeg plek te wees op die Jeep en jy sal nie iets hoef te verander nie... Dis my bietjie raad!

[Oompie Mac]

PAULA - jy het reeds 'n wenner herwinngspunt op jou Djieppie - Daardie sleephaak
MAAR lees deeglik wat ek nou skryf - NIE die bal van die sleephaak nie - daardie 'pen' onder hom - Jy lig die pen, haak jou herwinngstou daar in - en dan kan jy maar "snatch" ook

AS jou Jeep een van daai sleephake het wat kan uitskuif [een 'skwêrr tjoebing binne in annêr 'skwer tjoebing -- en dan so met 'n 15mm dik pen wat deursteek om in plek te hou - kan jy vir jou 'n "Snatcher" laat maak - Kry dieselfde dikte {WAT is square tubing tog in Afrikaans ???] skwêr tjoebing as wat die sleephaak aan is - gee dit so 150 MM uitsteek nadat dit in die tjoebing van die Jeep ingesteek is .. nou maak jy 'n geskikte gat deur die binne buis, en kry die REGTE gradering "schackle" wat jy daaraan heg. [Dit moet 'n "C" skakel wees - bitter min "D" skakels is hoog genoeg gradeer [spoorweg ouens kan van dit hê maar ek en j oor die toonbank bekom ??? not blrri laaiklie]

MOET ONDER GEEN OMSTANDIGHEDE ENIGE HERWINNING VAN DIE SLEEP BAL AF DOEN NIE [daai bal kom af teen 300 meter per sekonde ]en slaan 'n sloot in 'n Cruiser se dak waar ek my {dik} arm kan rondswaai. [Daarsy JG, bikki daai boll se briek getrap]
[as jy nie mooi v'staan wat oompie beduie nie - epos my, dan stuur ek vir jou prentjies ...]

of wag - so iets :


'n fliek vir julle:

en:

[Paula]

Dankie Gerrie, ons kyk uit vir die artikel.

Mac, 'n prentjie werk altyd. Waardeer jou moeite. Ons het nie een van daardie uithaal hakke nie. Nogal jammer want dit maak sy stert(uitvalshoek?) heelwat langer. Dis 'n ander storie vir 'n volgende salaris.

[Peter Connan]

Paula, ek stem volkome met oom Mac saam, maar met net een proviso:

Vervang daardie twee boute waarmee die haak aan die kar vasbout, met High Tensile boute. Hulle moet swart wees, en daar moet op die bout-kop staan HT8.8

Let dat mens wel gegalvaniseerde (dus blink) boude kan kry waarop "HT8.8" staan, maar die galvaniseringsproses maak die boude swakker en meer bros.

Verder, as daardie haak gebruik is vir 'n snatch recovery, moet daardie boude liefs vervang word.

[georgeb]

{WAT is square tubing tog in Afrikaans ???]

Oompie - Vierkantyster - ek sien Paula is in Centurion en sal ek haar aanbeveel om met Gavin by Broad Acres Fitment in Fourways of Willie Randles in Pretoria te gaan gesels. Daai manne sal haar mooi kan adviseer en sommer ook help. Ek stem ook vir herwinnningspunte wat aan die onderstel vas is met ordentlike boute. Daai bal en pin kan ook gevaarlik wees as dit nie ordentlik vasgesit is nie.

Die beste herwinning in sand waar Paula wil gaan ry is goed afgeblaasde bande - nie 1.2 of 1.0 - nee wat, sak sommer tot op 0.8 en moet net nie skerp en vinnig draai nie. Dan oko statig vorentoe en agtertoe wikkel sonder vinnige wieltol - dan haal jy jouself daaruit....hier is mos so video van die rooi Kombi iewers.....?

Paula - het jy 'n goeie banddrukmeter en 'n kompressor - dit is baie nodig.....en natuurlik ordentlike sleep/kinetiese tou.....mmmmm - nou raak ek heeltemal weggevoer.....

[jotto]

Stem saam oor die bande, toue is te laat....voorsorg en bietjie dink voor die saak help altyd meer as die toue later as dit klaar te laat is. Goeie kinetiese tou is n moet, kry net al die ander bykomstighede ook saam, soos die straps vir as die ding breek ens. Paula, jy kan daar vir Herman pla vir n ou Pofaddertjie met al die benodighede sommer so in een sak. (herman@4x4training.co.za) of herman@angeloffroad.co.za

[JG Shields]

Oom Mac, ek wil sommer net stout wees en so bietjie gesels oor daai "3000 meter per sekonde" waarteen daai haak daar afkom as hy breek. Dit sal beteken dat daai bal van my huis tot by jou huis (wat so nagenoeg 2000 meter uitmekaar is soos die kraai vlieg) in nagenoeg 0,66 sekondes sal verkas. Dis net 'n Land Cruiser wat daai bal met daai spoed sal kan afpluk van sy nek af...en daai is 'n JEEP.

[Paula]

Dankie George en Peter, ek dink ons kan eers die boute vervang en dan binnekort die regte dele aansit.
Dit bring my nou sommer by my volgende vraag. Ons gaan vir die eerste keer ons nuwe sleepwaentjie saamsleep. Ons moet sy wiele ook seker afblaas?
Tussen ons en die Pajero wat saamry dink ek ons het genoeg toue en hake (en grawe).
Ek vermoed Martin moet 'n kompressor kry vir sy verjaarsdag. Ons gaan ons moeg blaas met net een tussen 10 wiele. Ek sal so bietjie gaan oplees en dan weer met honderd vrae kom.

[JG Shields]

Jip, sleepwa se wiele ook af na 1 Bar of minder. Daai eerste keer in die sand klink na pret. Dis net lekker om te sien julle sien uit daarna met ywer en nie met vrees nie. Geniet dit!

[Paula]

Ek steek my vrees net goed weg. Word in die nag in koue sweet wakker van nagmerries oor Land Cruisers en stukke vlieende yster. Nee, ons sien regtig uit daarna. Ek dink met bietjie gesonde verstand en hulp van die wat weet sal ons daardeur kom.

[Oompie Mac]

Paula - die vasval en uitkom is deel van die plesier -- ons beste herinnering van Botswan is 10 ure aan 50 Km -- ons noem diet die Beetsha HighWay [Sept 1997 met 'n 42C grade Botswana sonnetjie .... en steed my BESTE 'memrie'








JG - daar is 'n nul te veel aan daai 3duisend [ek dink??] dis so 700 ft sek inni ou taal [hoeveel werk dit uit??]

Paula - oompie was baja haastag v'more - ek sal bikki gan edit aan daai gekrabbel van my en al die domvingerfouete gaan uitsmeer - Dalk maak dit dan sin?

Re die boute wat die sleephaak vashou .. ek moet eers gaan huiswerk doen - dan kan ek komentaar [as hy te 'brittle' is, da breek hy met die PLUKslag [dis hoekom die die slaaphaakbal NIE 'n herwinnigspunt is NIE [daai bollitjie is gegiet] - en sy nekkie is te dun

[Paula]

Nee, dis reg oom Mac. Dis net die "geskokte gat" wat ek nie verstaan het nie maar die prentjies is duidelik genoeg. Ek hoop nie ons moet deur sulke paaie nie. Met die Jeep sien ek nog kans maar nie met die gelaaide wa nie. Ek begin dink ons moet maar weer rantsoeneer en alles in die kar pak.

[georgeb]

Ek begin dink ons moet maar weer rantsoeneer en alles in die kar pak.

Paula - een ding van my is dat wanneer ek oor toer, 4x4 ry en diesmeer begin praat, raak ek sommer carried away en praat baie en wil alles van toerusting wat ek het, saamvat. Maak eers seker hoe lyk die paaie voordat jy die wa by die huis los....dit is goeie spasie daardie....



"Al die pad....net Grondpad..."

[vossie6311]

Hallo Paula,

Hoe hard mens ookal probeer en hoe versigtig jy ookal is - daar is altyd die moontlikheid dat jy gaan vasval - en herwin moet word. As jy met 'n gewone sleeptou herwin kan word is die herwinningsproses nie vreeslik gevaarlik nie. As daar van 'n kinetiese tou gebruik gemaak moet word, is dit wanneer die rooi ligte begin flikker. Daar is egter 'n paar dinge wat jy kan doen om die proses veilig te maak. Eerstens is goeie herwinningspunte - en daarmee is jy reeds besig. Tweedens is 'n ordentlike kinetiese tou en die voorstel om 'n Pofadder by Herman aan te skaf is ook goeie raad. Terwyl jy met hom deel, kry sommer ook 'n goeie stel veiligheids tome - "safety bridles". Dit word gebruik om die spoed van die kinetiese tou in te kort as iets sou breek of loskom. Dit sal uiteraard ook die spoed van die gebreekte herwinningspunt inkort en sodoende jou vrees vir "vlieënde yster" verminder! Dis ook aan te beveel om iets met gewig (herwinningsak of kombers ens) oor die middel van die tou te gooi - dit sal ook 'n gedeelte van die krag van die tou absorbeer as iets breek. Wanneer daar met 'n kinetiese tou herwin word is dit ook belangrik om te onthou dat die algemene reël vir 4x4 ry geld - "so stadig as moontlik - so vinning as wat nodig is". Baie mense is geneig om die ding te vinning te doen en dis waar die gesegde van - "met geweld kan jy jou vinger in die duiwel se dinges afbreek" -van toepassing raak - goeters breek, vlieg rond en rig skade of beserings aan!

Die hele idee van "snatching" is eintlik maar net om die rek van die kinetiese tou tot op sy maksimum te trek en hom dan te los om sy werk te doen. Herhaal die proses liewer 'n paar keer as om dit met een geweldige pluk te probeer doen. En probeer ook om die pad voor die wiele van die herwinde voertuig so gelyk as moontlik te maak voor die tyd - ja, ek weet dit vat tyd en sweet met 'n graaf maar dit maak die hele proses net makliker en veiliger. Dis altyd ook 'n goeie idee om omstanders so vêr as moontlik weg te laat staan. En onthou - die persoon wat herwin word is in beheer van die herwinningsproses - dit is per slot van sake jou voertuig wat herwin gaan word.

[jotto]

Mooi ene Vossie, goed bewoord.

[vossie6311]

Mooi ene Vossie, goed bewoord.

Dankie, Johann. Ek hoop jy is besig om nog 'n paar fotos van julle Weskus toer af te laai. Eish - ek beny jou daar waar jy nou is!

[Vlakvark]

Ons gaan einde April Bhanganek toe. Ons eerste ervaring van sandry. Die optimis in my wil glo dat ons nie gaan vassit nie maar die realis gaan verwinningspunte opsit. Die Jeep het een voor maar niks agter nie. Voor ek my oorgee aan die genade van 'n verkoopsman wil ek graag bietjie meer weet.
Soos:

• Waar kan ek dit laat doen?
• Waaraan sit hulle dit vas?
• Kan dit nodig wees om iets te verander of te versterk?
• Is daar soorte wat beter werk as ander?
• Die sleephaak met die los pen deur, Kan dit gebruik word vir herwinning?

Ek het al die sleephaakgruwelstories gelees. Jammer as my vrae bietjie dom is. Hoop julle het genoeg geduld.

Paula, heel eerstens sê jy dis julle eerste ervaring van sandry ... (ek wou gaan slaap en toe ek dit lees, is al my slaap weg ... )

Jy kan al die kit hê wat jy wil en dit kan 100% wees, maar eers moet jy vertroue in jou eie vermoë hê. Assseblief, voor mens `n vassit trip gaan doen MOET mens êrens tuis eers gaan OEFEN !!!!

Gaan val eers êrens vas aspris naby jou huis waar jy sel ontvangs het. Verkieslik saam met iemand wat weet hoe. Jy moet weet hoe jou toerusting werk en al die veiligheidsaspekte daaromtrent onder die knie hê. Het te veel rillers al beleef en daar word soms onnodig "ge-snatch" net omdat daai tou in die voertuig is, ... te veel word daar gedink as mens in `n bietjie sand vasval moet jy gesnatch wôrre. Ek kan erg uitbrei hieroor.

"Snatching" is van die gevaarlikste herwinningstegnieke indien die betrokkenes nie weet wat gedoen moet word nie. Gesonde verstand is die eerste uitweg.

... en onthou, indien die kop reg is, kan die kar maar vassit, jy SAL hom uitkry .. geniet die ongelooflike ervaring en voorbereiding.

Vrae is nie dom nie .... dom is wanneer mens nie vra nie ...

[Vlakvark]

... Ek ga nou slaap. Nog net dit. (Ek word die vieste in wanneer mense karre teenoor mekaar afspeel).

Die boubedryf praat van "tool"tegniek/vakmanskap. Nou ja ... die kar is die tool, en die tegniek sit agter die stuurwiel. Die een sonder die ander beteken absoluut bôkkerôl op sy eie in die 4-wiel besigheid.

Okay, baai ...

[Paula]

Ons sal seker maar 'n sandgat erens in Gauteng moet soek. Ons het al 'n kursus sterk oorweeg maar daar is nogal baie plekke wat dit aanbied. Ons gaan dit seker net eenkeer doen so wil graag by die regte mense uitkom. Enige voorstelle?

[Gerrie van Eeden]

Ons sal seker maar 'n sandgat erens in Gauteng moet soek. Ons het al 'n kursus sterk oorweeg maar daar is nogal baie plekke wat dit aanbied. Ons gaan dit seker net eenkeer doen so wil graag by die regte mense uitkom. Enige voorstelle?

African Off-Road Academy... Vriend Thysdj hier op die forum sal jou daar kan help omd ie regte mense in jou area te kry - en hou die nuwe WegRy ook dop om alles uit te vind...

[vossie6311]

Ons sal seker maar 'n sandgat erens in Gauteng moet soek. Ons het al 'n kursus sterk oorweeg maar daar is nogal baie plekke wat dit aanbied. Ons gaan dit seker net eenkeer doen so wil graag by die regte mense uitkom. Enige voorstelle?

Sjoe, jy het 'n gratis kurses met 'n paar dae gemis! Herman (Pofadder) het een aangebied verlede naweek. Jy kan hom in elkgeval vra oor sy volgende een wanneer jy met hom praat oor die pofadder.

[Peter Connan]

Herman (Engel hier op die forum) doen ook 'n goeie herwinnings-kursus, en verkoop baie goeie toerusting.

Persoonlik is ek baie lief vir 'n hoogligdomkrag, en het nog net een keer so vasgesit dat ek meer as net hom nodig gehad het. Met hom kan 'n mens die kar optel, en hom dan langs die gate neersit.

Weereens, opleiding of ondervinding is belangrik, hy kan ook redelik gevaarlik wees as jy hom verkeerd hanteer.

Maar ek voel in sand is 'n domkrag en sandlere dalk 'n beter roep as 'n snatchrope?

[georgeb]

Ons sal seker maar 'n sandgat erens in Gauteng moet soek.

Paula - Mc Carthy Toyota se Rhino Park 4x4 baan het 'n lekker "strand" - sien hieronder....

[georgeb]

....kursus....Ons gaan dit seker net eenkeer doen so wil graag by die regte mense uitkom. Enige voorstelle?

SA Adventure.co.za