My 60 series cruisers, Piet van Heerde

[Piet van Heerde]

Hier is 'n foto van my twee langafstand karre, heel voor. Ou Diesel Daisy en die Wit Perd.

Diesel Daisy het die vorige eienaar, verander van 'n 2F na 'n 2H, na heelwat tandekry is hy nou so reg soe reg.
Hy het 420kkm op, Ironman suspensie, 195l brandstof tenk, 80L NL Yskas, 800W inverter, Finny kompressor, en VHF radio.

Die Wit Perd het 260kkm op, ek vermoed hy was baie teruggedraai toe ek hom gekoop het. 2F Petrol, wat lekker krag het vanaf 500rpm en in die duine hier van 3500rpm af op sy mooiste sing en trek.
Standaard suspensie maar Ironman gas skokbrekers, 80L NL yskas, 150W inverer, 180L branstof tenk.

Albei het dakrak op, twee spaar bande, herwinnings toerusting op die dak en sonpanele wat die ekstra battery vol hou as ek staan.
Hier is 'n foto in die Richtersveld geneem:

Oja, het ek genoem hulle het sulke mooi oranje wiele!

[Chris van der Merwe]

Twee ysters Pieta !!!

[roland b]

Hier is 'n foto van my twee langafstand karre

Ek sien ek was ook daar - pas die Land Rover op

Dis twee cool karre daai, Piet!

[pieterlouw]

Kyk net hoe mooi. Daar antwoord jy nounet my vraag oor "Wat is mooier as 'n 60 reeks Cruiser?" - 2 x 60 reeks Cruisers langs mekaar!

[pieterlouw]

Piet, is daar 'n groot verskil tussen die een met standaard suspensie en die ene met die Ironman suspensie?

Myne het nog die standaard suspensie (wat ek onlangs net laat "retension" het) met Monroe Magnum Gas skokbrekers voor.

[Piet van Heerde]

Ja in my opinie is daar 'n reuse verskil, eerstens is die ironman bietjie sagter, dan kry ek ongelooflike artikulasie, sien hieronder op my handtekening. Met die gas skokbrekers is ek ook baie tevrede, veral op sinplaat, gewoonlik word dit te warm en dan werk die skokbreker nie meer soos hy moet nie maar die ironman doen sy ding, ek voel heelpad veilig.
En die vere self het ek ekstra veer blaaie ook van ironman ingesit om 'n lekker swaar vrag te dra, ek laai gemaklik sowat 800kg en kan dan nog steeds die road to hell uitry.

[Vince]

Piet , is jou sonpanele op die dak gemonteer?

[Piet van Heerde]

Ja, sonpanele op die dak gemonteer hulle is nie opgestel terwyl ek ry nie maar maak oop as ek stop en ek het 'n opsie om hulle af te haal en in die son te gaan neersit as ek in die skadu van 'n boom parkeer, maak net seker jou draad is nie te lank nie en het baie lae weerstand om spanningsval te voorkom.

[Vrankois]

Piet, ek weet hierdie is seker 'n onmoontlike (gevaarlike) vraag om te beantwoord, maar wat ding jy is 'n goeie prys om te betaal vir 'n goeie 60 (2F of 3F) sonder roes?

[Piet van Heerde]

Sonder roes is 'n gevaarlike stelling, die ouens steek dit baie goed weg en na 3 jaar sit jy skielik met groot moeilikheid. Maar as jy seker is hy is sonder roes hang dit ook van die res van die voertuig af, ewenaars, birfields, ratkaste en enjin, jy sal mooi moet kyk na alles tot die verkoelingstelsel. Die binnekant kan jou ook 'n aanduiding gee oor hoe die ou behandel is in die verlede.

Maar vir 'n mooi goeie een kan jy verwag om tot so R85k te betaal, en dan afhangende van sy toestand kan jy nog 'n heel skaflike ou kry in die omgewing van R50k.

[Vrankois]

Dankie Piet. Ek sal maar geduldig wees en rondsoek.