Ek en my gesinnetjie wil volgende jaar vir die eerste keer Botswana toe gaan. Ons wil graag die Chobe Nasionale Park besoek omdat ons al so baie daarvan gehoor het. Is daar dalk iewers meer inligting oor hierdie tipe toer? Ek sal graag wil hoor van iemand wat dit al gedoen het. Ek is maar skaars aan die begin van die toerbeplanning, so ek kyk nou eers na die roete wat ons moet volg. Wat is die moets en moenies van so 'n toer?
Bennie, Jy sal nie spyt wees nie. Ons was 2 keer in twee jaar daar (Moremi / Chobe) en behalwe dat dit duur is, kan aan niks negatiefs oor die plek dink nie
Passop net vir die leeus. Hulle byt deesdae glo die mense in die stort dood. klik gerus op die link om storie te lees. Lion attack
Bennie,
Ons het verlede jaar in Junie Botswana getoer. Ek sal so ietsie neerpen en 'n paar fotos plaas en die "link" vir jou later hier gee.
Bennie,
Voordat ek vergeet, Botswana Toerisme het 'n baie goeie webblad wat jou baie sal help. Sien http://www.botswanatourism.co.bw/
Die besoekersinformasie is veral baie volledig. Kyk na http://www.botswanatourism.co.bw/visitorInformation.php
Die verblyf binne die parke is veral baie duur. Ons het by 'n gemeenskapskamp langs die Kwayrivier gekamp en dan daagliks die parke besoek.
Malaria medikasie is baie belangrik. Bespreek met jou huisdokter. Daar is baie medikasie op die mark, maar vind uit wat vir julle die beste sal werk. Botswana is 'n ongelooflike plek en is heelwat gevorder - nie so Afrika as wat 'n mens dink nie. Die mense is baie vriendellik en hulpvaardig.
Baie dankie vir die web links. Ek gaan self Jun/Jul daar n draai maak.
Aitog, daai lekker adrenalieb high as jy die eerste keer in Savuti se wit sand vassit. Ja Bennie, doen huiswerk en so aan - MAAR sit omme vuurtjie en gesels vur ure met iemand wat al daar was - en luister aandagtig, want glo my vry - Jy sal hope boeke lees en nogsteeds groot dele mis. Maar as iemand vertel en jy kan vrae vra, da' raak die affêre kompleet.
Ek vra netnou die Dwergie hoeveel keer was ek al daar deur Savuti, Moremi, Linyante, Chobe .. seg sy sy weet'ie, want sy is nog net 10 jaar m't my sam getroud.
En ek leer nuwe goed elke keer - Beste raad? DOEN dit net, maar leer van vassit en loskom en olifantsgedrag en leeu-luister ens [Oj, daai anner verwysing op hirri lyn vanni leeus waddi manne in waskamer gaps virre snax, dit was in Zimbabwe by Mana Poele - Maar vuilbaard is vuilbaard en as jy lyk of ruik na kos, dan IS jy kos.
Dalk moet ons sulke Kwartaallikse "Wegry Kuier Aande" on streke hou - waar die manne wat weet kom sit en vertel aan die manne wat nog wil weet...
(i) Oompie eet ssy verjaardag ete op Choppies in MAUN se voorstoep (ii/iii) Makorro rit (as jy Botswana gaan en NIE Makorro ry nie, dis soos honeymoon te gaan sonner jou partner] (iv) Maakjou reg vir Afrika steil paaie - want di snie vir sissies nie
Last edited by Oompie Mac; 07-12-11 at 09:56.
Inderdaad.Originally Posted by Oompie Mac
Ek dink dit is n fantastiese idee, ek hoop net ek is darem met een van die byeenkomste by die huis. Die lekker van dit sal wees jy ken die mense persoonlik ook waarmee ons so lekker gesels hier..
You've never lived until you've almost died. Freedom has a flavor that the protected will never know.
Trip report: 5000km deur 5 lande in 7 dae met R2000
Dis 'n TOYOTA ding - Jy sal nie verstaan nie !!
georgevd@vodamail.co.za
082 688 1431
Hallo Bennie
Wat ek al van hierdie tipe van toere geleer is dit: Indien jy op die teerpad bly en by beheerde en 'beskaafde' kampplekke gaan aandoen, dan kan jy dit met groot liefde alleen aanpak. Daarteenoor, sou jy beplan om van die teerpad af te draai en jouself tussen die harde- en vuilbaarde te bevind, kry vir jou 'n maat wat jy kan vertrou om saam met jou te gaan. Almal wat in jou toergroep wortel skiet, moet mens wees wat nie aldag die beste geriewe wil verwag nie....
Dan, waarmee ry jy, wat is jou voertuig se grondvryhoogte, watter herwinningsgereedskap het jy beskikbaar, het jou voertuig herwinningspunte, het jy ervaring van jouself of ander uit die sand vroetel wanneer jy/julle daar loop vassit? Het jy behoorlike oorgrens versekering indien jou voertuig beskadig sou raak of met jou gaan staan? Vra maar vir die Oompie hier op die Forum hoe 'n gesukkel dit is wanneer jou voertuig daar doer bo in Botswana die gees gee.....
Man, hierdie is lekker goete.....maar mens moet maar stilweg weet dat dinge ook kan verkeerd loop......soos wat ons twee jaar gelede op die harde manier geleer het tussen Tsabong en Mabua se hek in die einste Botswana....daarenteen bly die oorland toerdery maar altyd die moeite werd....
N mens beplan bitter min of nooit vir n "worst case scenario" nie maar ek dink tog met die klas van toere in die buurlande is dit altyd n goeie ding om te doen.
You've never lived until you've almost died. Freedom has a flavor that the protected will never know.
Trip report: 5000km deur 5 lande in 7 dae met R2000
Dis 'n TOYOTA ding - Jy sal nie verstaan nie !!
georgevd@vodamail.co.za
082 688 1431
Bennie wanneer wil jy gaan?
Ek gaan in Maart/april daai kant toe, en omdat paar mense in my groepie kopuitgetrek het, kan ek jou dalk help met akkomodasie en dan kan jy vir die lang ente se ry ook by ons aansluit. Ongelukkig net nie in die aande om die vuur nie, vroulief sal my afslag.
Want sien, dis immers ons honeymoon...
Mag ons ons kenniskry met lekkerkry aanhoukry...
Sjoe Bennie, maak jy en die ander manne my nou jaloers!! Geniet die beplanning en die trippie baie. Julle gaan Botswana baie geniet en weer wil teruggaan na die tyd.
Bennie
Klop die begroting en vat die tyd en doen dit net! Sal nie spyt wees nie.
As jy hou van groen, water & modder, gaan maart/april net na reënseisoen. Die temperature is dan ook bietjie meer hanteerbaar, maar as jy die grootste konsentrasie van diere in die chobe wil beleef, gaan junie-augustus. Die veld is dan maar vaal & die sandpaaie losser, maar jy kan dan op die oewer spore ry omdat die rivier nie so vol is nie.
Elders op n ander forum skryf die ouens baie oor die nuwe reël in die chobe park wat gaan bepaal dat selfry besoekers slegs oor die middag en net op bepaalde roetes mag ry, so ek weet nie of "beach driving" op die oewer nog toegelaat gaan word nie. Verder word net toeroperateurs soggens & namiddae op die roetes toegelaat, asof ons gewone ouens nie ook n behoefte het aan foudies gedurende die "golden hours" nie.
Moenie toegee aan die versoeking om onder die hoë bome by 3de brug & ihaha tent op te slaan as daar tekens van bobbejaan bollie is nie en veral as die reuk nog sterk is nie, dan is dit vars en sal hulle waarskynlik vanaand weer daar kom slaap en hulle ding op jou tent doen. Ek ken die gevoel om magteloos te lê en luister na die plof van tjorts en strome van piepie in die donker oggendure. Nie lekker nie!
Wees bewus dat die kampe nie omhein is nie. Dit maak juis die ervaring besonders, maar kinders moet nie sommer oral jol en laataand alleen ablusie toe stap nie.
Geniet!
Dit makie sakie! Wanneer ry ons?
Weet iemand dalk van 'n lekker oornagplek naby Ellisras,Baltimore of Martinsdrift, of net oorkant die grens aan Botswana kant? Ons gaan saam met 'n toergroep en omdat dit so vêr is van ons wil ek tot naby die grens ry om die volgende dag die laaste stuk te kan ry. Moet ook net byvoeg dat ons al 'n paar keer op verskillende plekke in Botswana was en dit bly lekker, dié dat ons besluit het ons was lanklaas daar en dis tyd om weer te gaan!
Ps: Dis nie die hele toergroep vir wie ek plek soek nie, net vir ek en my eie privaat persoonlike vrou.
Last edited by Bokkie; 01-03-12 at 15:37.
direk by MartinsDrift - jy draai links agter die "graats' en volg die bordjies -- die rustigste lodge [en GOEDKOOP] op die oewer van die Limpopo.. Loshande die beste van enige ander -- (KWA-NOKENG LODGE)
BEHALWE as julle Zanzibar grenspos deurgaan, dan oornag jy by daardie lodge (OASIS LODGE) [ook Botswana kant .. dis lekker, want dan kan jy vroeg in die pad val en jy is klaar met die grens dinge] [maak op Sherwood Ranch vol en se vir Tannie Susan oom Mac stuur groete]
Last edited by Oompie Mac; 01-03-12 at 16:57.
As jy naby Groblersbrug grenspos wil oornag is daar n plekkie so 2km vanaf die grens.Baie mooi en skoon ,dit is ook op die Limpopo se wal.Die plek se naam is Klippan River Lodge.Kan vir jou die nr kry as jy wil.dit sal nie in die tel gids wees nie want die drade is lankal geskenk vir heropbou van verledenis.
Baie dankie, het Oompie Mac dalk vir my 'n kontaknommer (van die plek by Martinsdrif)sodat ek kan plek bespreek? Ek onthou nou van die plek, het al die bordjie gesien as ek daar verby ry.
Dankie vir die info, is dit die houthuise so aan die regterkant as jy grens toe ry? Sal die tel nommer graag wil hê asb.
Hallo Bokkie.Dit is nie die houthuisies langs die teerpad nie.Jy ry tot by die grenspos dan draai jy regs op die pad wat se Swartwater .Ry so +-800m dan draai jy links jy sal die lodge se bord op jou linkerkant sien met groot skuifhek.
Die dame se naam is Norma.
sel nr;0824994120
As jy nie regkom nie laat weet maar.
Hallo Bennie. Ek en Karel is 'Nuwelinge' en het so pas jou blad gelees. Wat ons nou wil weet is of jy en jou gesinnetjie toe al in Botswana 'n draai gaan maak het en hoe het julle dit gevind?
Plasingtoestemmings
Antwoord met aanhaling
