Nuweling!

[Ters]

Dag mense! Wraggies in Afrikaans. Ek behoort aan talle forums, onder ander ook klassieke motor forums. Alles in Ingels.
Wat 'n groot plesier om Afrikaans "van die teerpad af" raak te loop!

Ek het my Jeep nou maar omtrent 2/3 maande gelede gekry, so ek is nog baie nat agter die ore met die veld ry goete.... Ek
beloof egter om haar vuil te smeer, eendag. ( ek was my eie speelgoed!) 2000 Model Grand Cherokee met Old Man Emu 4" hoër onderstel en Maxxis Bighorn's.

Ek is eintlik 'n klassieke voertuig persoon, en het nooit gedink ek sal 'n 4x4 besit nie. Hoe ek aan die Jeep gekom het is 'n lekker storie
wat ek nog met julle sal deel.

Lekker om deel te wees van hierdie forum!

Ters.

[Molekule]

Baie welkom inderdaad!
Ja wat - jou veldry tyd sal inderdaad ook kom .... en weet dit maar .... as daai gogaa gebyt het - gaat jy baie gereeld daai Jeep moet was !

Maar nietemin - sit nader ... gooi stomp of twee oppie vuur en gesels gerus saam.

[jotto]

Baie welkom Ters, daai jeep van jou lyk lekker man. Geniet dit hier, en ons kyk uit vir die storie!

[Peter Connan]

Welkom Tersius, vertel ons meer!

Heel paar ouens hier stel ook belang in klassieke karre sonder 4x4.

[Theuns]

Welkom Tersius, hoop jy geniet dit om die Kampvuur.

[Let's Play]

Baie welkom!! Jy sal nog agterkom dat hier is fotos en stories, so saam met die hout, altyd welkom.

[Oompie Mac]

AMPER mis ek om jou ook welkom te heet en te verwelkom inni groep -- Baie welkom, en dankie jy ook ingeklim het..
Gee die spietkoppe jou nie faains oor daai witverbleikte nommerplaat nie?

[jacques odendal]

ters!
Laat waai met daai ou wiele stories & foudies. Geniet die vuur.

[Sven Opperman]

Welkom Ters.

Glo jy sal dit hier geniet.

[Doofinsmurtch]

welkom ters,

daai jeep blink te mooi man, gooi hom toe onder die modder en plak hom weer op man,
jy het net ons eerste(2de) byeenkoms gemis by serendipity, die plan lykmy is om elke 3 maande bymekaar te kom ,gesig by die blikmener te sit en te kuier

welkom dus
ek

[frik]

Dagse Ters, baie welkom en vertel asb meer van die ou karre!!

[Jaco]

Baie welkom Ters

[Ters]

Dagse Ters, baie welkom en vertel asb meer van die ou karre!!

Dankie vir die hartlike welkom van almal!

Ja nee, ek sal haar maar moet vuilsmeer...

Oor die plattes, ek het 'n '62 Chev C10, 'n '68 Ford Galaxie en 'n '70 Ford Capri Perana replika. Die C10 het ek so 6 maande gelede vir die astronomiese bedrag van R 5000 gekoop! Sy het vanaf 1987 net gestaan en verweer...pla die vorige eienaar al 12 jaar om te verkoop! Twee voorwaardes was dat ek nie 'n V8 mag insit, en ook nie vlamme opverf nie....! Alles nog werkende toestand, behalwe die remme. Self haar dak liggie het aangegaan toe ek en my seun 'n battery koppel!! So 2 dae gesukkel om haar te laat vat, nuwe waterpype, termostaat, fonkproppe net skoongemaak ens. Verkoeler gespoel en vergasser skoongemaak, en siedaar!! Dit is hoekom ek so van die Chevy's hou. Weet nie hoekom het ek 3 Fords en net die een Chev nie?( my heeldag kar is 'n Bantam.) Sy kort baie aandag, maar is 'n lekker projek vir my en my 15 jarige seun.

Die '68 Galaxie het ek geruil vir 'n vurkhyser. Net omdat sy 'n LTD is, met die hoofligte wat toemaak, wou ek haar besit. En natuurlik die geluid van haar 6.5 liter V8 (390ci). Die verfskema is ek nie mal oor nie, maar dit trek ontsettend aandag, en ook die grom van haar kant uitlaatstelsel. Ek voel soos die burgermeester as ek met haar ry, almal waai en wil fotos neem!!

Sjoe, nou die Capri. Ek het 'n Audi A6 gehad, die vorige rondegat vorm. Puik voertuig, met geen waarde as hul ouer as 10 jaar is nie. En ook 'n '58 Ford Custom 300 V8.
Ek wou die '58 verkoop om 'n '48 Chev Fleetmaster te koop, en het oral geadverteer. 'n Potensieële koper het kom kyk, en toe belang gestel in my A6, wat nie te koop was nie!! Hy bied my toe die Capri aan in ruil vir die Audi. Voor vroulief kon mmmm of baaa, het ek die Perana gehad! Sy het natuurlik sanksies toegepas....dit was ons familiekar wat ek gesmous het vir die klein oranje gevaarte!

Maar ons boerklonge ken mos van planne maak.'n Maat van my in Bela Bela smous met karre, veral oues. Hy het die Jeep uit 'n vorige transaksie bekom, ek moes plan maak om weer die ma van my kinners se guns te wen... Bied hom my '58 en 'n paar $ aan, en voila, ma glimlag, ek loop weer soos 'n tropleier breë bors rond, en die 4x4 staan op my werf!!

Nou is my vingers stomp gepik op die sleutelbord....dan voel dit nog of iemand die letters skommel ook!!
Hier is 'n paar kiekies, tot later mense. Julle is 'n gawe klomp!!

Ters.

[jotto]

Jis ou Ters, maggies mar dis n mooi klomp wiele wat jy daar besit. Kan net glo hoe daai kant exhorst klink, lekker man. Geniet hulle.

[Peter Connan]

Mooi!

[frik]

Ters,
Baie mooi karre, daai 58 Ford was darem die kar van sy tyd hoor. Sy boetie, die 57 was net so n mooi kar. Een Ford wat ek nie meer sien nie is die 57 Ranchero bakkie. My hart le by daai ou karre!!!

[iondb]

Pragtige mouters daai!!!

[Bokkie]

Ters, baie welkom. Ek weetnie of jy al vantevore van die Forums gelees het nie, maar ek is ook 'n groot "ou karre" fanatikus. My oë het amper uitgeval toe ek die '58 Fairlane sien, want ek soek een. Maar as ek tussen die lyne lees het jy hom verkoop??

[Doofinsmurtch]

Moeder!! ek is nou so depro na die fotos en groen van jaloesie, ek sit sommer vir my pajero vlamme op met n V8 in, gaan jy hulle skou Sondag by Zwartkops!! Cars in the park, hulle sal beslis aandag daar trek Ters!! mooi versameling daai mater, moenie daai jeep nou gaan staan en ruil nie, ander moet jy daai fairlane op n 4x4 chassy sit!! om te kom saamry volgendekeer

[Ters]

QUOTE=Bokkie;17107]Ters, baie welkom. Ek weetnie of jy al vantevore van die Forums gelees het nie, maar ek is ook 'n groot "ou karre" fanatikus. My oë het amper uitgeval toe ek die '58 Fairlane sien, want ek soek een. Maar as ek tussen die lyne lees het jy hom verkoop??[/QUOTE]

Bokkie, die '58 het ek verruil vir my Jeep. Dit is egter 'n Custom 300, identies dieselfde as die Fairlane van daardie tyd. Al verskil is die naat van die Fairlane se agterstewe, loop met 'n boog na onder op die agterdeur, waar die Custom s'n reguit aanloop, en kleiner word op die agterdeur. Sy is nog te koop vanaf die maat van my in Warmbad. As jy wil sal ek sy kontakbesonderhede pos? Haar spesifikasies; 332ci ( 5.2 lit.) V8, 3 spoed handrat soos gemonteer in die fabriek. Dan BMW 7 reeks skuifremme voor, met 'n Ford Ranger se rem silinder. 18" duim wiele met splinter nuwe bande!

Ek is erg verslaaf aan die ou goed, en sou nog 20 van hulle wou gehad het as my minister van finansies( vrou!) net wou instem. Laat my weet oor my vriend se nommer, ek pos dit met graagte.

Ters.

[Ters]

Ters,
Baie mooi karre, daai 58 Ford was darem die kar van sy tyd hoor. Sy boetie, die 57 was net so n mooi kar. Een Ford wat ek nie meer sien nie is die 57 Ranchero bakkie. My hart le by daai ou karre!!!

Ai Frik, al my binnegoete bewe as ek die ouer karre sien! Daar is 'n 1957 Ranchero te koop op "Gumtree"!! Lieflike trokkie met 351ci (5.8 lit V8)! Vêr van oorspronklik, maar puik kondissie. Laaank gelede het ek 'n 1955 Chev gehad, maar moes verkoop toe my vorige werkgewer gelikwideer word. Karre van die 50's en 30's is vir my die top wat mooiheid betref. Ek wil nog 'n 30's Chev of Ford besit.....!!

Ters.

[Oompie Mac]

ek soek al van ek begin werk het in '69 na 'n 1948 Pontiac ... oupa het een gehad .. pikswarte

[Ters]

Moeder!! ek is nou so depro na die fotos en groen van jaloesie, ek sit sommer vir my pajero vlamme op met n V8 in, gaan jy hulle skou Sondag by Zwartkops!! Cars in the park, hulle sal beslis aandag daar trek Ters!! mooi versameling daai mater, moenie daai jeep nou gaan staan en ruil nie, ander moet jy daai fairlane op n 4x4 chassy sit!! om te kom saamry volgendekeer

Ja Doofinsmurtch, ek gaan Sondag Zwartkops toe! Sal defnitief met die Galaxie gaan, miskien ook met my Capri. Ek is besig om nuwe onderstel rubbers in te sit, sommer ook wiellaers en skokbrekers ook. Kosmeties het sy nog werk nodig, maar ek hou van 'n "lopende" projek. Kom groet as jy die vlamme sien!

Ek sal graag saam met julle in die modder wil kom speel, maar die verste wat ek van die teerpad af was, is die sypaadjie voor my huis!

Ters.

[Bokkie]

Dankie Ters, ek het my nommer by Privaat boodskappe gelos. Ek sien hier kom alweer huismoles........het haar gesê ek gaan nie weer met ou karre lol nie

[frik]

Bokkie,
As die ou goed in jou bloed loop, sal hy jou nie los nie!! Ters, is daai foto van die wit Ford n 58 of 57?