Hi almal,
Ek wil nie nog 'n debat oor verskillende bande begin nie, maar sal graag opinies wil kry van mense wat al ondervinding het met hierdie twee bande AT/KM2. Ek het al vele roetes aangedurf met AT's en ten spyte van die 'hoor-se' negatiewe kommentaar dink ek nogsteeds hierdie bande is uitstekend vir 'n 'overland' doel. Ek hoor graag jul opinies.
Hi Ducktape - daai BFG AT's sal hulle man behoorlik staan. 'n Maat van my ry net met hulle op sy Patrol en hy staan en val by hulle...ons het al paar keer saam ge-overland en daar was nog geen pyne nie...die MT's is 'n ander band en kan nie juis met die AT vergelyk word nie - jy weet die appel en peer storie....indien jy weet jy gaan baie modder ry sal die MT beter werk, maar anders glo ek jy gaan regkom met die AT's...
@jotto - wat sê jy, jy het mos AT's op die Shorty?
Baie dankie George,
Ek is self goedvertroud met die AT's en alhoewel hulle (soos enige ander band) ook areas het waar hulle nie die top presteerder is nie (daarmee saam ook nie die swakste in die afdeling nie) is hulle in my opinie 'n baie goeie band vir so 'n situasie (appels vs appels) en hulle het hulself al oor-en-oor bewys.
Hierdie vraag spruit eintlik uit gesprekke met meer as een persoon wat al die oos-Afrika roete aangepak het ( sommige al meer as een keer en dus al met beide hierdie bande gery het) en wat van opinie is dat, veral dele soos die "Mojave" pad (Tansania) wat baies baie slegte grondpad met vleimskerp vulkaniese klip, slaggate en sinkplaat oppervlakte het, die AT's verwoes terwyl die KM2's baie minder skade opdoen. Hul opinie is dat alhoewel mens in normale gebruik baie meer kilometers uit 'n stel AT's sal kry word die bordjie bietjie verhang as dit by sulke tiepe terein en gebruik kom...
Ek wil maar net opinies kry om seker te maak dit gaan nie net oor hoe aggressief die band "lyk" en per implikasie hoe 'hardebaard' dit jou voertuig laat lyk nie...
Ducktape - ek stel voor dat jy Johan Badenhorst van Voetspore se verslag oor hulle onlangse toer lees - hulle het AT's en MT's gebruik en het daardie paaie gery waarvan jy nou praat...of beter kontak hom op die Voetspore webblad en praat sommer direk met hom...
Stephan, ek het nog nie daardie oos-afrika paaie gery nie.
Maar ek ry self op AT's, en twee van my pelle wat altyd saamry, ry op KM2's. Een van hulle ry ook 'n Patrol (alhoewel 'n heelwat nuwer model as myne).
My gevolgtrekking is dat die KM2 in veldry-toestande in amper elke moontlikke aspek die AT se eweknie is of hom ver verbysteek.
Sy sywande en karkas is dieselfde en is ewe sterk. Die AT is geneig om terwyl hy nuut is, skerp klippies en varel boude op te tel en maklik gate te kry (toe myne nuut was, het ek een keer tot 'n 100mm lange 10mm boud deur die loopvlak gekry). Ek dink dit is iets met die ontwerp van die loopvlak, hy tel hierdie goed op en knyp hulle vas. Die oper loovlak van die KM2 doen dit nie.
Verder kry die AT's op die klipperige roetes wat ons meestal hier op die hoeveld kry, maklik "chips" op die rande van die blokke, wat ek nie sien met die KM2's nie.
Die KM2 het ook beter traksie op meeste oppervlakte.
Die nadeel is dat hulle meer raas, meer gereeld geroteer moet word en minder afstand gee.
Maar ek wil graag 'n ander analogie trek. Sekere professionele jagters het in die verlede bewys dat dit heeltemal moontlik is om olifante met 'n 7mm Mauser dood te skiet, maar tog is bitter min van hulle vandag bereid om met 'n geweer van kleiner as 10.75mm olifante te jag. Want die dag wat hy jou storm in digte bos, kan daai 7mm nie die gort uit die vuur krap nie.
MAW, dit gaan nie oor wat jy meeste van die tyd doen nie, dit gaan oor die slegste moontlike geval wat jy die hoof gaan moet bied. Dis hoekom jy met 'n 4x4 ry wat laestrek het, en nie iets soos 'n Subaru Forrester nie, en ek voel dieselfde geld vir die bande en elke ander stuk toerusting.
Last edited by Peter Connan; 18-06-12 at 08:22.
Mag ons ons kenniskry met lekkerkry aanhoukry...
Ek dink die belangrikste element hier is die spoedgradering van die bande. Ek ry self KM2's en is mal oor hulle, maar dit is nie geskik vir hoë spoed op openbare paaie nie. Op 'n nat teerpad sal hulle ook maar sukkel. Koop die band om te pas by die paaie waarop die voertuig oor die algmeen ry.
Baie dankie manne, ek waardeer die opinies...
Groete,
Ductape,
Albei is baie goeie bande en sal die taak maklik afhandel. Ek het al met albei gery en albei is puik. Die Muds gaan natuurlik baie beter wees in modderige toestande, maar andersins is daar maar min tussen die twe bande wat toer aplikasies aanbetref.
_________________________________
Jean H Kotze
Oos London
jhkotze@tcguysa.co.za
0824944149
Ek het vreeslik baie papwiele met BFG A/T op my Colt gehad, tussen 40 en 50 op die stel met 9 op een trip Tanzanie toe. Die Firestone ATX waarmee die bakkie uitgekom het was baie beter so die BFG's was 'n teleurstelling. Daarna het ek G/Y Wrangler MTR opgesit wat puik is en nie een papwiel nie.
Op die Cruiser het ek Wrangler MTR opgesit wat weer nie baie goed gedoen het nie. So 26k km toe is 5 van hulle klaar met 1 afgeskryf en een gebars. Op die Cruiser ruil, ek bande en rims, vir die makliker en nader trips die mooi vet 265/75R16 bande en vir moeilike Afrika trips gebruik ek die 7.50x16 Yokohama Super Hajari's. Op 26k km lyk die Hajari's amper nuut ten spyte dat hulle moeiliker terrein hanteer het en meer vrag gedra het. Die MTR's het ek nou met KM/2 vervang en na 5k km lyk hulle nie sleg nie alhoewel plekkies agter uitbreek en dit na min harde werk met Rust de Winter omtent al regte kliproete wat hulle gedoen het. Dit lyk egter of die KM/2's baie taaier as die BFG A/T's is maar tyd sal leer.
So vir Afrika glo ek aan die 7.50x16 bande met Super Hajari en Michelin XZL (O/R 4x4) absoluut taaier as enige van die fancy A/T en M/T bande wat 98% mense in SA gebruik.
Last edited by PierredW; 20-06-12 at 07:50.
Ek het BFG AT en is tot nou toe tervrede. Nog nie pap band gehad na 35k nie, maaaaaaaar as ek weer kan kies sal ek Coopers STT opsit. Vriend het 70 k gekry op sy stel en dit lyk m#$% baie mooi.
Die BFG balanseer ook nie lekker nie maar ek weet ook nie of die nader bande beter is nie. Een groot fout wat baie mense maak is om hulle bande te hard te pomp. Dit versoorsaak dat die band nie kan mee-gee nie.
hoor die kl71 nam Khumo ook nie sleg nie. Ander opsie is om na Maxxi's ook te kyk. Hulle doen geweldig baie navorsing in die 4x4 bedryf. Stem saam oor die ATX van Firestone , baie harde band, maar glad nie goed in nat toestande nie.
Laestrek het niks met joga te doen nie
Soveel make en tipes bande, soveel opinies. Ek kan net my opinie gee van wat ek die afgelope nege jaar op my bakkie het en dit is BFG A/T's. Kry so om en by 100 000 km op 'n stel en het al op alle tipes terryn gery sonder probleme. Ons is al ver beplan vir ons jaarlange Afrika toer en ek oorweeg nie eens 'n ander band nie.
M2CW
Dankie vir julle opinies manne,
Ek ken BFG AT's baie goed en normaalweg sal ek nie twee keer dink om hulle op te sit nie. Ek wil tog ook self 'n opinie oor KM2's he en ek reken dat as die prys verskil tussen die twee (onthou ek moet ses bande koop!) nie te veel is nie, sal ek graag die KM's 'n kaans wil gee. Ek reken 30 000km sal 'n goeie toets wees. Die ander voertuig wat dieselfde model Cruiser is, het egter BFG AT's op so wie kan dan nou vir 'n beter toets tussen die twee vra..? Om wel 4 van die selfde spaar bande tussen twee voertuie te he het egter ook sy voordele...
Sal jul laat weet watter bande ek uiteindelik op besluit het, maar soos al die 4x4 speelgoed speel die koste vs kwaliteit seker maar die hoofrol... Sal vir my goed wees om die KM's te kan vergelyk met my vorige ondervinding van BFG AT's, Cooper STT & ST Maxx, Bridgestone Duelers, ens.
Groete, nou eers weer gaan kyk of die spaarvarkie al voller geword het...
Plasingtoestemmings
Antwoord met aanhaling
