Wegry 4x4 Akademie (African Offroad) - Ons ervaring

[PvA]

Ek en my vrou het die naweek wat verby is Wegry 4x4 Akademie (African Offroad) se basiese 4x4 Veldrykursus ("Accredited 4WD & Off-Road Operator Certificate") voltooi. Dit het bestaan uit `n dag se teorie waarna ons die Sondag `n dag pratkies gedoen het by die Hennops 4x4 roete. Dit was ons eerste kursus asook 4x4 roete. Die instrukteurs het baie ervaring en deel graag ervaring en raad. Wat `n ongelooflike ervaring! Selfs die mees ervare bestuurder onder ons groep "leerders" het erken dat daar heelwat was om te leer. Hierdie is `n kursus wat ek voel jy moet voltooi voor jy die langpad op grond aandurf, of dit nou hindernisse bevat of selfs die normale bestuur. Jou uitkyk oor die dinge rondom jou verander drasties en jy sal na die kursus `n baie veiliger bestuurder wees. Weereeens dankie aan Phillip van Rensburg (Instrukteur/Assessor en Toergids) en Andre de Villiers (Instrukteur/Assessor en Toergids). Ons hele groep is vriende uitmekaar en daar is selfs sprake van `n reunie of `n opvolg roete.

[Gerrie van Eeden]

Daarsy man! Nou is jy ook gekwalifiseer! Watter ryding op die foto's is joune?
En terloops, Welkom by die forum!!

[georgeb]

Watter ryding op die foto's is joune?

Dit is hy en sy wederhelfte daar voorkant hulle Fortuner - en ek moet bysê.....sy het baie goed gevaar tydens die prakties te Hennops....B!....

[ThysdJ]

Baie geluk en welkom by African Offroad familie.... !! B! Ek sien Dr Phil het julle mooi onder hande geneem...

[PvA]

Dis hy daai....ons staan voor ons Fortuner. Dr Phil het ons baie mooi geleer! Ons is baie ingenome met die kursus en kyk al klaar na ander kursusse wat African Offroad aanbied. George daai Hardbody van jou het vir niks teruggestaan nie.


Onse Fortuner


George se Harbody

[PierredW]

Net vir interessantheid, hoeveel kos so 'n kursus per persoon en ook as jy die meer gevorderde een doen wat recovery insluit? As jy nie die syfers het nie gee my asb. 'n kontak sodat ek dit kan kry.

Ek het beide kususse baie jare terug gedoen by Basslake maar ek en my vrou wil albei die 4x4 Toergids kursus doen so sy moet die sertifikaat kry. Sy het weer haar noodhulp sertifikaat wat ek weer moet doen voordat ons as gidse geregistreer kan word. Ek is baie bang om die noodhulp te doen, weet nie op wie ek dalk moet mond tot mond asemhaling toepas nie en waar ek dalk slanggif moet uitsuig nie(grappie!).

Julle opleiding lyk lekker, Hennops is 'n baie lekker roete en jy kan baie daar leer.

Ek is net wes van Pretoria Noord in Florauna so ons bly naby mekaar.

Is Andre de Villiers die Andre de Villiers van Safari Centre of 'n ander een?

Groete

[PvA]

Pierre, jy kan op African Offroad se webtuiste gaan loer, hulle het `n mooi lys van kursusse met pryse by. Die basiese opleiding wat ek en my vrou gedoen het was R2600 vir ons beide (dit is `n spesiale aanbieding wat huidig loop). Die meer gevorderede "Offroad vehicle recovery" opleiding sien ek is R2500 per persoon (http://www.africanoffroad.co.za/pg/5...d-4x4-programs). Sien ook: http://www.wegry.co.za/wegry-4x4-akademie.

Die wereld is klein jong....ek bly in Dorandia....meters van jou af!

[georgeb]

Is Andre de Villiers die Andre de Villiers van Safari Centre of 'n ander een?

Pierre - nie Safari se Andre nie.

[PierredW]

Die wereld is klein jong....ek bly in Dorandia....meters van jou af!

Wragtag, ons is langs die asgat wat nou 'n golfbaan is. As jy 'n Sondagmiddag lus het vir koffie maak 'n draai, 012 5466178. Die Cruiser is te hoog vir die garage. As jy langs die ou asgat opry Berglaan toe aan die oostekant sal jy die Cruiser en 'n ou Jurgens Fleetline Karavaan onder die afdak sien. Dit is waar ons van Nov 1982 bly.

Groete

[PvA]

Mooi man, net oor die pad van ons. Klink lekker!

[Alibaba]

Ek is BAIE bly die kursus hetvir julle gewerk. Dis die eerste naweek wat ons dit aangebied het. Ons hoop die Akademie loop mooi.

[georgeb]

Hier is nog 'n paar foto's:







Die instrukteur in lae strek...

[georgeb]

en 'n video ook....

[georgeb]

O ja, my bandruk was 1 bar voor en 0.9 bar agter. Daar was behalwe vir die hindernis in die video letterlik geen wieltol en die HB het eenvoudig net gebyt en laat waai....

[Peter Connan]

George, die video is by my geblok, kan jy vir my beskryf watter hindernis dit is (of ko-ordinate gee)?

Ons ry hom gewoonlik teen so 1.8 Bar, nie omdat dit ideaal is vir die roete nie, maar omdat ons dan kan terugry huis toe voor ons wiele hoef te pomp...

Dis nogal interesant hoe mens se kar die roetes leer ken ne, die eerste keer wat ek Hennops gery het, het ek laestrek nodig gehad om by die eerste hindernis uit te kom, maar nou doen daai Patrollie al sommer die asknopers in 2H!

[georgeb]

kan jy vir my beskryf watter hindernis dit is (of ko-ordinate gee)?

Môre Peter - dit is die steil klim wat jy kry nadat jy van die lapa reguit aan by die moddergat op regterkant verby ry.

[Peter Connan]

Daai een met die los klippe tot by die trappie bo?

As jou wielplasing daar nie 100% is nie, is hy 'n vark! En as hy nog nat is ook!

[georgeb]

Daai een met die los klippe tot by die trappie bo?

Dis hy daai - een van die kursusgangers het juis sy voetwerk oor daardie trappie verloor en die instrukteur moes help red....