• 1 x 380 g-blik Idealmelk
• 1 eetlepel mielieblom, gemeng met ½ koppie van die Idealmelk
• 2 eetlepels grofgemaalde peperkorrels
• sout na smaak

Roer vinnig en prut die sous. Verhit die Idealmelk in ’n kastrolletjie. Sodra dit begin borrel, gooi die mielieblommengsel by en roer met ’n draadklitser sodat dit nie klonte vorm nie. Laat dit vir ’n minuut of twee prut. Voeg die peperkorrels en sout by. As jy van ’n dikker sous hou, kan jy nog ’n eetlepel mielieblom byvoeg, maar onthou net dat die sous dikker word as dit afkoel. Sit dit dus voor sodra jy dit gemaak het.