’n Paar maande en vele bakkies wat nie die mas opgekom het nie later, is ons uiteindelik nou die trotse eienaars van ’n 1988 Toyota Hilux 2,2-liter-4x4. Ons Hilux-kenner, Allan Venter, het hom die kennersoog gegee en ’n kwotasie van wat ons gaan nodig hê om hom in 100% werkende toestand te kry. Na die agterste ewenaar oorgedoen is, die koppelaar vervang is en die dryfaste ook oorgedoen is, kan ons met trots sê dat ons onder ons mikpunt van R70 000 ’n bakkie het waarmee ons nou kan begin werk sonder enige meganiese- of bakwerk probleme. Lees weer: GEEN ROES! 

Ja, so het 2010 se einde verbygeflits en met soos ons die slaap uit ons oë uitvee is Januarie 2011 ook al amper verby. Ek weet nie of dit die Desember-skuld is nie, maar ek het sommer al gou weer na drie verskillende bakkies gekyk.

WegRy soek steeds ’n bakkie om op te bou en vir ’n intekenaar weg te gee. En twee is tog beter as een, of hoe? As een ou twee bakkies het om te verkoop, kan jy mos redelik positief voel dat een van hulle dalk die een is wat jy soek, nie waar nie?
So het ek toe gister na twee bakkies in Bellville gaan kyk.
Kom ons begin by die goeie punte – daar was nie roes aan die bakkies nie. En ongelukkig was dit al goeie punte…
Die een bakkie was ’n wit 1998 Toyota Hilux met ’n 2,2 liter-petrolenjin. (Dis die een wat my oorspronklik gelok het om te gaan kyk.)

Na die SOVEELSTE bakkie wat deurtrek is van roes, begin die uitsig maar self effens geroes voorkom. Hier in die Kaap is dit moeilik om ’n bakkie te kry wat ouer as 10 jaar is sonder roes. Die ou Hiluxe roes almal op dieselfde plekke, en as dit eers mooi posgevat het, kan jy dit toesmeer, maar nie wegvat nie. En ons wil vir die wenner darem iets gee wat hy nie elke jaar weer moet invat vir roes-behandeling nie.

Soos ons al voorheen genoem het, werk ons binne ’n baie streng begroting. R120 000 in totaal vir die bakkie en die ombouings. Nou goed, as ons bietjie rondsnuffel kan ons ’n bakkie kry met meeste van die basiese goed op vir heelwat duurder as wat ons beplan om te spandeer, maar waar los dit ons dan? Dan koop ons maar net ’n bakkie en gee hom weg. Dit bederf die pret vir almal.

Ons het besluit om vir onsself ’n limiet te stel oor hoeveel ons vir die bakkie gaan betaal. R70 000 is die maksimum wat ons wil spandeer voor ons hom begin opdollie met onder andere lekker aggressiewe veldrybande (voor die woord “opdollie” dalk verwarring saai...).
    Dit beteken, met ons begroting van R120 000, dat ons R50 000 gaan oorhou vir dié taak – waaroor dit alles eintlik gaan. Ons gaan self die beste pryse soek vir ’n laaistelsel, dakrak, vering, dubbelbatterystelsel, watertenk, en so aan. Dit hang ook natuurlik af wat die bakkie reeds het.

Jy kan roes dalk vir ’n jaar of wat verbloem, maar as ons ’n ryding vir ons lesers weggee wat na ’n jaar uitmekaar val, sit ons dalk met rooi gesigte.
    Ek het vandag na die volgende kandidaat vir ons bakkieprojek gaan kyk en deur mnr. Hilux, Allan Venter, laat nagaan. Met die eerste oogopslag het ek reeds gedink dis dalk waarna ons soek. Die prys was ook reg (R59 900 by ’n handelaar in Durbanville) en die donkergroen verfwerk van dié 1989 Toyota Hilux het hom sommer na ’n bobaas-veldwa laat lyk.

Die trekking is gedoen, ons het ’n Hilux-wenner en die bakkie word volgende week oorhandig – hou maar ons webwerf of Facebook-blad dop vir die foto’s.
Maar nou’s dit weer sulke tyd. Ons gaan nog ’n Hilux ombou en aan ’n gelukkige intekenaar gee! (donderende applous, luide toejuiging, cries of “Hear! Hear!”)
Die keer volg ons ’n heel ander benadering. Ons bou ’n lekker harde safarivoertuig, en die uitdaging wat ons aan onsself  gestel het is om dit met ’n begroting van net R120 000 te doen.

Die afgelope Saterdag was 495 Toyota Hilux-4x4’s deel van die amptelike wêreldrekordpoging om die meeste voertuie van ’n handelsnaam en ’n spesifieke model bymekaar te kry. 
   Die Atlantis-duine het die naweek gewemel van dié bakkies. Die manne van die Wes-Kaapse tak van die Four Wheel Drive Club of South Africa het alles gedoen om die reëlings seepglad te laat verloop en om al die Hiluxe betyds deur die hek te kry.

As jy ’n rybewys het en genoeg geld in die bank (óf ’n ryk familielid óf genoeg krediet), is die kans goed dat jy vir jou iets wil kry om van punt A na punt B te beweeg. Gestel jy het nog nie ’n ryding nie en wil iets koop – hoe besluit jy wat jy wil hê? Dis nou as jy hoegenaamd ’n keuse het en nie net die goedkoopste by Willie-se-Wiele in Welkom moet aanskaf nie.