Een van Namibië se groot probleme is die goeie gruis grondpaaie! Veral in die noorde en rondom Sossusvlei. Ek het al vele “slagoffers” langs hierdie paaie gesien en die groot rede is spoed. In hierdie storie was die spoed blykbaar 50km/u en die foto dui aan dat die ongeluk op ‘n draai gebeur het en dat daar ‘n knink in die pad was, soos ek kan aflei, net for die draai. Die eiennaar het beheer verloor na die knink, niks te doen met afgeblaasde bande nie wat eintlik heeltemal korrek is, en die voertuig het in sy eie rigting gegaan, bestuurder het probeer om die voertuig terug te stuur en BOEM daar rol die spulletjie. Ek was ook amper in dieselfde situasie ‘n paar jaar gelede met ‘n Land Rover en sleepwa. Tussen Sossusvlei en Solitaire was die gruispad pragtig met wye draaie maar net voor ‘n draai was daar ‘n knink en ek het gesien die veld kom nader! Gelukkig het ek net net van die pad afgegaan en beheer oor die voertuig behou. My spoed was ongeveer 60km/u. Daarna het ek die voertuig in High Diff Lock gesit en so teen 50km/u verder gery. Sonder enige probleme daarna. ‘n Jaar of twee later was ek alleen Richtersveld toe met my Landy en sleepwa. Met die terugkomslag, net voor sononder 150km vanaf Springbok in die veld, stop ek net nadat ek deur ‘n plaashek is om water afteslaan. Oudergewoonte stap ek om die voertuig en sleepwa en merk dat een van die sleeparms van die sleepwa gebreek het! Ek het toe nie bloudraad saam met my gery nie en loop toe langs die grensdraad op soek na draad. Voorwaar nie vêr geloop nie kry ek ‘n langstuk staaldraad. Die draad buig nie maklik nie maar geswoeg en gesweet het ek die trekstang van die sleepwa so verstewig dat ek verder kon ry, wel teen 30km per uur vir net ingeval! Na 12 die nag by Springbok veilig aangekom en die volgende dag het ek hulp in die dorp gekry en die sleepwa se trekstang is herstel. Van daardie dag kyk ek nie net na die wiellaers voordat ek op reis gaan nie, ek kyk na die kondisie van die trekstang, die koppelling en bedrading onder die sleepwa asook na die koppelling van die voertuig, net om seker te maak ek gaan nie probleme langs die pad kry nie. O ja, ‘n rol bloudraad is onder my Land Rover vasgemaak, net ingeval ek dalk iemand langs die pad moet help! Een leser het genoem dat jy nie ‘n sleepwa Van Zylspas mag afgaan nie, dis nie korrek nie. Daar is geen reëls wat jou verhoed nie maar dit word aanbeveel dat jy nie met ‘n sleepwa daar af gaan nie. In elke geval, dis groot moeilikheid soek veral die laaste gedeelte van die pas! Dan aangaande die ou vertraagde storie van Land Rovers versus ander 4x4 voertuie, dis hol gery! Ek bestuur daagliks ‘n Defender en ja, daar was al probleme, sonder koppellaar op ‘n Sondag van Margate na die Drakensberg met ‘n sleepwa, gebreekte “side shaft” in die Sentrale Kalaharie, gegeesde waterpomp 50km voor die Suid-Afrikaanse grens, ook op ‘n Sondag maar alle probleme kon ek daar op die plek herstel met hulp van die omgewing. Ek het vele Nissans, Toyotas en Jeeps uit Moremi en Naxi Pan gesleep omdat eiennaars dink hul voertuie kan die ding doen en dan doen hulle die ding en dan weet hulle nie verder nie! Terloops, ‘n Land Rover Defender is nie ‘n sedan of ‘n bakkie nie. Dit is een van min modern ligte vragmotors wat gelisensieër kan word as ‘n sedan! Jy moet jou medemens langs die pad help as daar probleme is en nie die spot dryf nie, want dit kan met jou gebeur!