Ons het 06h00 vanoggend opgestaan in die bitterkoue en noordwes gery na die hoofbestemming van die Serengeti toer: die Serengeti Nasionale Park.

Net soos ons by die laagleënde area onder die kraterrand aankom sien JI iets wat na hulle toe aangeloop kom.

Dis 'n rooikat (of karakal) en dit lyk verbasend ontspanne. Ons kon na hom staar vir wat gevoel het soos 'n lang tyd en gelukkig kon hulle die foto neem:

Kort daarna het ons 'n gevlekte hiëna familie reg langs die pad teëgekom. Een van die volwasse hiënas het baie vol gelyk en die honger kleintjies het haar oral gevolg.

Dis swart so ver soos wat die oog kan sien oor die oop vlaktes.

Wildebeeste was nie die enigste diere in oorvloed nie. Ons het afgery na die Ndutumeer en duisende flaminke in die water sien waad.

Langs die meer het ons die eerste jagluiperds van die toer gesien - 'n ma en haar twee kleintjies wat aan 'n karkas reg langs die kar.

Nadat ons kamp opgeslaan het in Seronera se publieke kampplek het ons vir 'n kort wildbesigtigingsrit gegaan. Ons het nog hiënas, olifante en meer as 300 buffels gesien, asook 'n paar pragtige voëls.

Oh, en as jy gewonder het: JA, die Serengeti is so mooi soos wat dit lyk op TV! Ek het amper begin huil vanmiddag op ons safari toe ek besef dat 'n lewenslange droom van my bewaarheid word...

Hoogtepunt van die dag:

Villiers: Wildebeeste! Duisende der duisende wildebeeste!! En die rooikat.
JI: Om in die Serengeti te wees.

Laagtepunt van die dag:

Villiers: Die pad tussen Naabi Hill Gate en Seronera.
JI: Dat my meisie, Talita, nie hier is nie.

Volg die avontuur op die Serengeti blog